«Bir tereze» ustanymyndaǵy operasııa zalynyń ashylýy jumysty jeńildetedi jáne azamattarǵa qolaıly bolady. Bul joba Elbasynyń «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» Joldaýynda aıtylǵan mindetterdi oryndaý maqsatynda júzege asyryldy. «Bir tereze» ustanymy sybaılas jemqorlyq pen zańdy elemeýge qarsy kúresti kúsheıtedi.
Oblystyq ishki ister departamentiniń bastyǵy, polısııa general-maıory Beket Aıtmaǵambetov Elbasynyń jańa Joldaýynda aıtylǵan memlekettik qyzmetti sıfrlandyrý turǵyndarmen qoıan-qoltyq jumys isteýge múmkindikti molaıtatynyn aıtty. Qostanaılyqtar bul turǵyda aıaqtan turyp keledi.
Jańa operasııa zalynda tórt tereze bolady. Olarda qujattarmen qamtamasyz etý bóliminiń, ákimshilik polısııasy basqarmasynyń, kóshi-qoń qyzmeti men aqparattyq-taldaý ortalyǵynyń qyzmetkerleri azamattardy qabyldaıtyn bolady.
«Jańa zal azamattarǵa, ásirese múmkindigi shekteýli jandarǵa óte qolaıly. Ár azamat munda eshqandaı qıyndyqsyz qujattaryn toltyrady, oǵan sapaly qyzmet kórsetiledi. Mundaı zaldaǵy jumys polısııa qyzmetiniń tıimdiligin arttyrady, eń bastysy ashyqtyq, móldirlik basym bolady da, sybaılas jemqorlyq táýekeli tómendeıdi» dedi Beket Aımaǵambetov.
Názıra Járimbet
«Egemen Qazaqstan»
Qostanaı